Som først i landet lanserer Forum for natur og friluftsliv (FNF) eit friluftsbarometer for kommunane i Møre og Romsdal. Barometeret set måletal på 10 utvalde indikatorar som er viktige for breidda i friluftslivet. Målet er meir og betre friluftsliv i kommunane gjennom systematisk arbeid.

FNF Møre og Romsdal har med støtte frå Møre og Romsdal fylkeskommune utarbeida barometeret, som gir ein peikepinn på i kva stor grad kommunane legg til rette for friluftsliv.

Måling i friluftsbarometer for Møre og Romsdal 2023-2024 viser at Molde kommune samla sett kom best ut som friluftskommune, etterfølgd av Fjord kommune på andreplass (sjå tabell under). Molde skårar høgt på status på framdrift for friluftslivets ferdselsårer, utlånsordningar for friluftsutstyr og tal på turpostbrukarar.

Tabell – Friluftsbarometer Møre og Romsdal 2024, Forum for natur og friluftsliv (FNF). I fargeskalaen er 0-3 poeng merka raudt, 4-6 gult og 7-10 grønt.* Haram vart eigen kommune frå 1.1.2024 og manglar difor verdiar på nokre indikatorar

Elles; døme på funn frå Friluftsbarometeret:

• Fjord kommune har flest sti- og turvegar per innbyggar.
• Aukra har ni meter gang- og sykkelveg per innbyggar.
• 84 prosent av dei busette i tettbygde strøk i Averøy har trygg tilgang til rekreasjons- og nærturterreng.
• Vestnes har flest statleg sikra friluftsområde per innbyggar.
• Møre og Romsdal mista 1.051 dekar potensielt tilgjengeleg strandsoneareal i perioden 2020-2023. Mest areal har forsvunne frå Ålesund kommune, der det no er 133 dekar mindre strandareal til allmenn bruk enn for tre år sidan.
• Smøla og Molde ligg fremst i arbeidet med friluftslivets ferdselsårer.
• Alle kommunar i fylket medlem i friluftsråd.
• Molde, Ålesund og Sula har flest utlånsstadar for friluftsutstyr med tre kvar.
• Ein femtedel av innbyggarane i Aukra, Gjemnes og Tingvoll går Stikk UT!

Viktige dokument knytt til Friluftsbarometeret for Møre og Romsdal;

Pressemelding; https://fnf-nett.no/uttalelser-horinger/?post_type=uttalelser&p=9644&preview=true

Samandrag; https://fnf-nett.no/uttalelser-horinger/?post_type=uttalelser&p=9652&preview=true

Hovuddokument; https://fnf-nett.no/uttalelser-horinger/?post_type=uttalelser&p=9655&preview=true

Resultattabell; https://fnf-nett.no/uttalelser-horinger/uttalelser/friluftsbarometer-2024-tabell/

Logo Friluftsbarometer; https://fnf-nett.no/uttalelser-horinger/?post_type=uttalelser&p=9661&preview=true

Undervegsbrev til kommunane; https://fnf-nett.no/uttalelser-horinger/uttalelser/friluftsbarometer-more-og-romsdal-ber-om-innspel-fra-kommunane/

Foto av styringsgruppa og prosjektkoordinator for Friluftsbarometeret;